AF222a: 106v

nevʿ‑i dīger bir kimsenüñ // burnı qanı diñmese bir miqdār māzīʾi // dögüb qamış ile geñzine üfüre ve nevʿ‑i dīger // burnı qanı durmasa gerekdür ki ḥayāsını [!] ṣarb sirkeye qoya // ve ṣol delikden aqsa ṣaġ ḥayāsını [!] qoya müvāfaqatle ėde ve ʿamel ėde // dura dīger kerefisi gebe ʿavret yėse qarnında olan oġlan maṣrūʿ // ola ġāyetle ḥaẕer ėtmek nevʿ‑i dīger * zukāmı olan kişinüñ burnına bir miqdār zaʿferān tütüzdüreler // zukāmda mücerrebdür * ve bir kimsenüñ aʿżāsında bir yėri üşüye nūraʾı qoyun ödiyle ḫalṭ ėdüp üşüdügi yėre // süreler lākin çoq dutmayalar ancaq qıl kesicek qadar çoq dutmayalar çoq durursa ziyāde ėder Allāhu aʿlam bi‑ṣ‑ṣavāb // * ve qış güninde vāqiʿ olan göz aġrısına beş dirhem mercümek unı ve beş dirhem arpa unı beş dirhem // qızıl qurısı ve beş dirhem gül yaġı ve beş dirhem enār qabı bunları ayru dögüp ve bir küçürek çölmek icine // qoyup ṣu‑yile qaynadup andan göz üzerine ıssıcaqlayın yaqu ėdeler üç defʿa gėceyle yatduġı zamānda // bi‑ʿavni llāhi taʿālā ḫalāṣ ola
ṣafūf [?] dėdükleri şol marażdur ki miʿde ṣoʾudükde imdi gerekdür ki // ıssı otından on dirhem dögüp sükkerden otuz dirhem dögüp // ḫalṭ ėdesin daḫı ac qarnına bıçaġile yiyesin nāfiʿdür bu minvāl üzre // ḥisāb ėdüp yüz dirhem ıssı otı oldükde üçyüz dirhem // sükkeri ėdesin ġaflet olınmaya